30/09/2014 13:20:30

Prezantohen 110 instrumenta antikë

Ekspozita është çelur mbrëmjen e të hënës, në kuadër të aktiviteteve të organizuara nga Ministria e Kuluturës

TIRANË - 110 vegla të ndryshme muzikore, pjesë e koleksionit të kompozitorit Mark Luli, janë prezantuar për publikun si vlera të çmuara të kulturës sonë popullore në ambientet e Muzeut Historik Kombëtar. Ekspozita është çelur mbrëmjen e të hënës, në kuadër të aktiviteteve të organizuara nga Ministria e Kuluturës në “Ditën Kombëtare të Trashëgimisë Kulturore” dhe nismës së po kësaj ministrie “Trego Kulturën Tënde”. Në koleksionet e Mark Luli janë instrumente muzikore që datojnë nga 1860 deri në vitin 1990, pas një pune kërkimore dhe studimore 40 vjeçare në zona të ndryshme të vendit, jo vetëm në Shqipëri por edhe në Mal të Zi apo Kosovë për të mbledhur këtë pasuri popullore. Gjatë kësaj ekspozitë, që do të qëndrojë e hapur për publikun deri më 2 tetor, u mbajt edhe një performancë e lashtë muzikore nga Ansambli “Arketip” me instrumente nga koleksioni privat i Mark Lulit.

HermesNews - ©2014

Dërgo me email | Stampo artikullin